9am-5pm (DAY2)

今次又係返大陸, 小弟經巳唔係香港釣魚, 因冇魚又貴~

今次目的地係平海, 人稱紅斑之鄉, 我同黎sir一同探路, 仲有位警察叔叔同艇一齊釣, 釣足一日半, 仲有多一隻艇係其他HKU的朋友.

第一日行程, 釣左半日, 我地全日只係起左四條有睇頭d ge 斤頭魚, 其中三條係由小弟撞彩釣ge, 紅黃白立都釣齊…..hahaha~黎sir就食蕉!!!!

經本會評級，該艇家被評為一級艇家

第一日中番2條紅班，L仔d立唔入流，無得上鏡

至於另一隻艇, 起兩條紅斑, 一條斤幾另一條過二斤, 仲有一條近二斤白立, 返到岸蒸左條白立同紅斑, 白立好好食, 條紅斑就蒸得太熟, 鞋左浪費晒!!!唉….咁就浪費左條近二千蚊蚊ge魚~之後食完飯訓覺…太累…十分鐘內就訓著左。

第二朝八點落艇, 先出紅排, 車左好耐先到紅排, 四面都係水平綫, d湧大到嘔血…好在我地身經百戰…全部都冇嘔

好可惜成朝早只係釣石九九, 因此小弟強烈建議轉位返去近岸位….好在…我地決定十分好~而另一隻艇就死都唔走, 繼續食風~

多謝L仔自動同自己打格，唔駛我後期加工

唔係好大，兩斤多d o者

之後去到一個離落艇位只有十五分鐘的排位…釣左兩個鐘先釣到一條二斤半白立..由小弟先開齋…但小弟領先位置兩個鐘後就不保~

釣完條白立巳差不多四點, 之後轉到一個附近的排位…一落鉺唔夠五分鐘艇家先起一條斤幾紅斑. 之後黎sir又釣到條兩斤紅斑再黎一條近兩斤白立…最後最精彩ge就係警察叔叔…一野砌條三斤紅斑!!

釣夠五點幾鳴金收工 !!唔錯唔錯錯!!!返到岸邊, 又蒸魚食, 由於食紅斑食到怕, 我地只係蒸左d石釘…一人一細條….幾滑~

我地三人用左千八蚊左右, 但釣左三四千蚊魚返黎~~回本!!呢個season係平海出名多紅斑同白立…下次一定再去過~~

一定要提一提艇家, 特別係第二日那個, 好服務又老實又勸力, 又後生, 下次去一定揾返佢~

圖/文：L仔仔

製作:我唔沽名釣譽

唔出名呀