6月27日係我地釣墨魚的第二炮，雖然人數不太多，只有三十人左右，但這亦避免了過於擠迫，好讓參加者能有足夠的空間舒舒服服地釣魚。

當日釣魚會只得兩個Exco 得閒，於是我同阿Ray就要肩負起搞活動的責任(多謝阿Ray 女友Peg幫手拎食物同上莊阿倫幫忙) 。

由於是第二日釣墨魚的關係，所以吸收了不少上次的經驗，活動比上次流暢得多。

我同Ray 雖然坐了2轉亡命紅Van趕入西貢，早了十五分鐘到達，但參加者Donald 等人十分準時，已在噴水池旁邊等候我們(真係十分抵讚)。

等了不久，參加者陸續到達，可能係Banner較為醒目，他們從很遠已經知道我們的存在。之後便是例牌動作開心大合照，影過相後便浩浩蕩蕩地向碼頭進發！

一到碼頭只見到幾個警察叔叔站在鐵馬後把入口欄住，原來是遊人太多，所以要報上遊艇號碼後才可以進入，身旁的阿倫即時發揮了上莊的本色，竟可以背出船身的編號同電話號碼(平時讀書唔見佢咁醒) ！

之後就開始上船，大家坐定定後就開始向傳聞中有大墨魚出沒的牛尾海駛去！

在船上首先是一輪自我介紹，其實除左BU的同學仔外，大部份的人我都記得佢地個名e.g. Donald、Mabel、Chris……. 不過唔知佢地知唔知我係邊個。

介紹完後就各自各分3人一組，以便進行一陣的釣墨魚大賽。 3人一組後就來個HKU同BU合拼，成為六人一組的大組。

互相了解後大家都開始熟落，有些同學更即時取了對方的電話和icq號碼呢！

正當大家傾得投入之際，遊艇已經駛到目的地牛尾海，我們都急不及待地衝出去大光燈旁，希望能霸到有利位置釣得大墨魚。

一名參加者於放絲後數秒鐘就釣得墨魚一大隻，令全船參加者情緒高漲，誓要釣得墨魚為止！之後參加者陸續釣得墨魚，有d 只有手指公大，但有d 就長過手板！

可惜魚獲只集中在幾個人身上，有些參加者在吃晚餐前都未能釣到。

               最強對最強 — 釣墨魚皇者之戰

我們的忠實參加者Donald 於當時已釣得2、3條墨魚，可能興奮得滯，居然向我宣戰，為保本會聲譽，一於奉陪到底，一場世紀之戰隨即展開！

食飽後有d 同學開始放棄，走到船頂吹吹水，吹下海風。

其他尚未釣到的同學只有繼續努力，一定要釣到墨魚為止！當晚的魚獲其實不太豐富，但每當有人釣到墨魚，我每都會高興得大聲歡呼！然後阿Ray就給他們拍下一張又一張的威水相！

講番同Donald的世紀之戰，起初是他們領先的，但後來我手風漸順，釣得的墨魚又大又多。原先Donald 要鬥條數，見勢色唔對就改鬥重量，初時大家都不分上下，但到了最後補時階段，一陣怪風吹來，船隻突然左搖右擺，墨魚隨即上釣，一放勾落水又即刻中多隻，就咁不斷重覆，我於幾分鐘內連釣了幾隻，僥幸地成功把Donald 那組拋離(今次真係好險！遇到了強勁的對手，險勝一個馬鼻。)

釣得的墨魚由船家石太親自烹調，用蒜蓉清蒸，可能是即釣即煮，味道不錯，比街市買的好食得多！

之後就係萬眾期待的賽果公佈，雖然賽果明顯(睇番其他組用來裝墨魚的膠桶，有些只有兩三條) ，即使兩組合拼亦不夠我一人釣得多！最後由我地釣魚會的一組大熱勝出！(只果次次係咁就可以慳番D錢，帶D空盒去扮禮物就算！)

最後就係大抽獎時間，參加者都有幾會抽到本會送出的神秘禮物！

~~~~上岸後，大家都意猶未盡，交於是在碼頭上拍了張搞野的大合照後才開開心心地離開~~~~