文: 老鬼L仔  修改: 阿光

魚牙標本制作大法

引言:

今次教大家整魚牙。 一般來說, 最有氣勢ge魚牙一定係鯊魚, 其次係海狼. 但呢兩種魚都係要去到油田食大茶飯先有機會中, 所以通常釣友都會用d 易釣到ge魚去整. 表表者係白立, 因白立天生有一副波子牙用黎撞蠔殼食,因此比一般魚牙都厚同更有氣勢！

做法如下:

1)      魚一條, 蒸完食完之後洗亁淨, 去晒所有肉後再用肥皂去洗晒d油, 一副白立牙有八件基本骨, 要執齊呀!

總數八舊，「執骨」時要數清林楚

2)      晒油— 用肥皂洗完之後都仲會有魚油殘留, 因此要晒油, 一般都係有太陽先拎出去晒, 烈日下晒會最好, 有太陽就晒, 晒夠佢十幾日之後你會見到d魚油晒左出黎.張底紙會有一d黃色ge油, 就係晒出黎ge魚油la.

3)      由於有菌, 因此要殺菌； 仲因為要美觀, 所以要漂白. 有咩方法做齊以上兩樣野?就係雙氧水. 買一支,用一份雙氧水配三至四份開水, 浸佢三至四水時. 你會見佢白左一d, 菌都會死得七七八八. 唔好用未稀的雙氧水浸, 因爲浸十分鐘就白晒, 再浸耐d就會甩牙！千祈唔好用呢個方法！

右邊那支就係雙氧水，萬0或藥房有售

4)      晒乾之後就黏埋佢地, 用一般萬能膠黏埋就得..完成後爲左靚, 油一層模型力架油上去.一般油兩層以上會較好. 呢個步驟係爲左令佢冇空氣入到去, 從而減少生細菌ge機會，仲可以靚d添..所以油油好重要！

大功告成